Author

Babukanth V

ஓசூர் மாநகராட்சி பகுதிகளில் ரூ.5 கோடியே 18 இலட்சம் மதிப்பில் நடைபெற்று வரும் வளர்ச்சி திட்ட பணிகளை மாவட்ட ஆட்சியர் தீபக் ஜேக்கப் நேரில் பார்வையிட்டு ஆய்வு செய்தார்.

by Babukanth V April 19, 2023

written by Babukanth V

ஓசூர் மாநகராட்சிக்குட்பட்ட அந்திவாடி அரசு உயர்நிலைப்பள்ளி, ஜூஜூவாடி, ஆனந்த்நகர் உள்ளிட்ட பகுதிகளில் ரூ.5 கோடியே 18 இலட்சம் மதிப்பில் நடைபெற்று வரும் வளர்ச்சி திட்ட பணிகளை மாவட்ட ஆட்சித்தலைவர் திரு.தீபக் ஜேக்கப் இ.ஆ.ப., அவர்கள் இன்று (19.04.2023) நேரில் பார்வையிட்டு ஆய்வு செய்தார்.

கிருஷ்ணகிரி மாவட்டம், ஓசூர் மாநகராட்சிக்குட்பட்ட அந்திவாடி அரசு உயர்நிலைப்பள்ளி, ஜூஜூவாடி, ஆனந்த்நகர் உள்ளிட்ட பகுதிகளில் ரூ.5 கோடியே 18 இலட்சம் மதிப்பில் நடைபெற்று வரும் வளர்ச்சி திட்ட பணிகளை மாவட்ட ஆட்சித்தலைவர் திரு.தீபக் ஜேக்கப் இ.ஆ.ப., அவர்கள் இன்று (19.04.2023) நேரில் பார்வையிட்டு ஆய்வு செய்தார்.

மாவட்ட ஆட்சித்தலைவர் அவர்கள், அந்திவாடி அரசு உயர்நிலைப்பள்ளியில் நமக்கு நாமே திட்டத்தின் கீழ் ரூ.48 இலட்சம் மதிப்பில் கட்டப்பட்டு வரும் சமையல் கூடம் மற்றும் சுற்றுசுவர் அமைக்கும் பணிகளை நேரில் பார்வையிட்டு ஆய்வு செய்து, பணிகள் தரமாகவும், விரைவாகவும் முடித்து பயன்பாட்டிற்கு விட வேண்டும் என அலுவலர்களுக்கு அறிவுறுத்தினார். தொடர்ந்து, அந்திவாடி தமிழ்நாடு விளையாட்டு மேம்பாட்டு ஆணையம், கிருஷ்ணகிரி பிரிவு, அந்திவாடி விளையாட்டு மைதானத்தில் உள்ள உள்விளையாட்டு அரங்கம், நீச்சல் குளம், நடைபாதை உள்ளிட்ட பகுதிகளை பார்வையிட்டு விளையாட்டு மைதானத்தில் கூடுதலாக மேற்கொள்ளப்பட வேண்டிய அடிப்படை கட்டமைப்பு வசதிகள் குறித்து மாநகராட்சி ஆணையர் மற்றும் வருவாய் துறை அலுவலர்களிடம் கேட்டறிந்தார்.

தொடர்ந்து, ஏ.எஸ்.டி.சி ஹட்கோவில் 2021 -2022 ம் நிதியாண்டில் 15-வது நிதிக்குழு மான்ய நிதியில் ரூ.25 இலட்சம் மதிப்பில் கட்டப்பட்டு வரும் குப்பை தரம் பிரிக்கும் கட்டிட கட்டுமான பணிகளையும், நுண்ணுயிர் செயலாக்க மையத்தில் மாநகராட்சியிலிருந்து நாள்தோறும் 5 முதல் 7 டன் வரை சேகரிக்கப்படும் குப்பைகளை தரம் பிரித்து உரம் தயாரிக்கும் பணிகளையும், உரங்கள் பொதுமக்களுக்கு வினியோகம் செய்யும் பதிவேடுகளையும், பணியாளர்கள் விவரங்களையும் நேரில் பார்வையிட்டு ஆய்வு மேற்கொண்டார்.
மேலும், ஜூஜூவாடி பகுதியில் 2022-2023 -ம் நிதியாண்டில் 15-வது நிதிக்குழு திட்டத்தின் (Tied) கீழ் ரூ.2 கோடியே 50 இலட்சம் மதிப்பில் 10 இலட்சம் லிட்டர் கொள்ளளவு கொண்ட மேல்நிலை நீர்த்தேக்கதொட்டி அமைக்கப்பட்டு வரும் பணிகளை நேரில் பார்வையிட்டு ஆய்வு செய்து, நீர்த்தேக்க தொட்டியின் கட்டுமான பணிகள் தரமாகவும், விரைவாகவும் முடித்து பொதுமக்களின் பயன்பாட்டிற்கு விரைந்து வழங்க வேண்டும் என மாநகராட்சி பொறியாளர்களுக்கும், ஒப்பந்ததாரர்களுக்கும் உத்தரவிட்டார். மேலும், ஜூஜூவாடி ரூ.25 இலட்சம் மதிப்பில் 15-வது நிதிக்குழு மான்ய திட்டத்தின் கீழ் நகர்ப்புற நலவாழ்வு மைய கட்டிட கட்டுமான பணிகளை நேரில் பார்வையிட்டு ஆய்வு செய்தார்.

தொடர்ந்து, ஆனந்த் நகரில் தூய்மை இந்தியா திட்டம் 2.0 திட்டத்தின் கீழ் தலா ரூ.85 இலட்சம் வீதம் ரூ.1 கோடியே 70 இலட்சம் மதிப்பில் குப்பை தரம் பிரிக்கும், 2 கட்டிடங்களின் கட்டுமான பணிகளையும், குப்பைகள் தரம் பிரித்து, பிளாஸ்டிக் கழிவுகளை மறுசுழற்சி செய்து மீண்டும் உபயோகப்படுத்தும் வகையில் மூலப்பொருட்களாக மாற்றும் பணிகளை பார்வையிட்டு ஆய்வு செய்தார்.

இந்த ஆய்வின்போது, ஓசூர் மாநகராட்சி ஆணையர் திருமதி.த.சினேகா இ.ஆ.ப., ஓசூர் சார் ஆட்சியர் திருமதி.ஆர்.சரணியா இ.ஆ.ப., மாநகர் நல அலுவலர் மரு.அஜித்தா, உதவி செயற்பொறியாளர் திரு.சீனிவாசன், மாநகராட்சி பொறியாளர் திரு.ராஜேந்திரன், வட்டாட்சியர் திரு.சுப்ரமணி மற்றும் மாநகராட்சி அலுவலர்கள், வருவாய் துறை அலுவலர்கள் உடனிருந்தனர்.

April 19, 2023 0 comment

Breaking News ஓசூர்கிருஷ்ணகிரி

கிருஷ்ணகிரி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் தனியார்துறை வேலைவாய்ப்பு முகாம் 21.04.2023 அன்று நடைபெற உள்ளது

by Babukanth V April 19, 2023

written by Babukanth V

கிருஷ்ணகிரி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் தனியார் துறை நிறுவனங்களும் -தனியார் துறையில் பணிபுரிய விருப்பம் உள்ள வேலைநாடுநர்களும் கலந்து கொள்ளும் தனியார்துறை வேலைவாய்ப்பு முகாம் 2104.2023 அன்று நடைபெற உள்ளது என மாவட்ட ஆட்சித்தலைவர் திருதீபக் ஜேக்கப் இஆப, அவர்கள் தகவல்.

கிருஷ்ணகிரி மாவட்ட வேலைவாய்ப்பு மற்றும் தொழில்நெறி வழிகாட்டும் மையத்தில் ஒவ்வொரு மாதமும் மாதத்தின் மூன்றாம் வெள்ளிக்கிழமை அன்று சிறிய அளவிலான தனியார்துறை வேலைவாய்ப்பு முகாம் நடைபெற்று வருகிறது. இம்மாதம் மூன்றாம் வெள்ளிக்கிழமையான 21042023 அன்று காலை 10.00 மணி அளவில் இவ்வலுவலகத்தில் சிறிய அளவிலான தனியார்துறை வேலைவாய்ப்பு முகாம் நடைபெற உள்ளது. இது ஒரு இலவச பணியே ஆகும். இதனால் தங்களுடைய வேலைவாய்ப்பு பதிவு இரத்து செய்யப்படமாட்டாது.
இம்முகாமில் கிருஷ்ணகிரி மற்றும் ஓசூரை சேர்ந்த தனியார் துறை நிறுவனங்கள் கலந்து கொண்டு தங்கள் நிறுவனத்திற்கு தகுதி உள்ள வேலைநாடுநர்களை தேர்வு செய்ய உள்ளனர். இதில் SSLC, HSC ITI DIPLOMA மற்றும் பட்டப்படிப்பு படித்தவர்கள் தங்களுடைய சுயவிவரத்துடன் (BIO.DATA) கலந்து கொண்டு பயனடையலாம் என
கிருஷ்ணகிரி மாவட்ட ஆட்சித்தலைவர் திருதீபக் ஜேக்கப் இஆப., அவர்கள்
தெரிவித்துள்ளார்.

April 19, 2023 0 comment

Current News அரசியல்கிருஷ்ணகிரி

கிருஷ்ணகிரி அறிஞர் அண்ணா கல்லூரியில் கணினி (PowerPoint presentation ) நிகழ்த்துகைப் போட்டித் தொடக்க விழா

by Babukanth V April 19, 2023

written by Babukanth V

கிருஷ்ணகிரி அறிஞர் அண்ணா
கலை மற்றும் அறிவியல் கல்லூரியில் ஒரு நாள் (PowerPoint presentation ) கணினி நிகழ்த்துகை போட்டி தொடக்க விழா புதன்கிழமை (19.0 4 .2023 ) அன்று நடைபெற்றது. கல்லூரியின் முதல்வர் முனைவர் சு.தனபால் அவர்கள் தலைமை தாங்கினார். தன்னுடைய தலைமை உரையில், மாணவ மாணவியர்கள் கணினி தொழில்நுட்பத்தில் சிறந்து விளங்க வேண்டும். புதிய மென்பொருள்களை கண்டறிதல் வேண்டும். மாணவ மாணவியர்களுக்கு பயன்படும் வகையில் காலத்திற்கு ஏற்ற முறையில் புதிய புதிய கணினியில் மாற்றங்களை ஏற்படுத்த வேண்டும் என்று பேசினார்.
சிறப்பு விருந்தினராக சி பி சி ஐ டி காவல்துறை உதவி ஆய்வாளருமான திரு சரவணன் அவர்கள் கலந்து கொண்டு சிறப்பித்தார். தன்னுடைய சிறப்பு உரையில், கணினி சார்ந்த மென்பொருள் களை நல்ல செயல்களுக்கு பயன்படுத்துதல் வேண்டும் என்று பேசினார். கல்லூரியின் மாணவ மாணவியர்களின் தனித் திறன்களை கண்டறியும் பொருட்டு அனைத்து போட்டிகளுக்கும் முனைவர் மா. ஜெகன் அவர்கள் ஒருங்கிணைப்பாளராக செயல்பட்டு வருகிறார் . கல்லூரியின் கணினி அறிவியல் துறையின் உதவிப் பேராசிரியர் திரு முருகதாஸ் அவர்கள் கணினி நிகழ்த்துகை போட்டிகளுக்கான ஒருங்கிணைப்பாளராக செயல்பட்டார் என்பது குறிப்பிடத்தக்கது. இப்போட்டிகளில் நூற்றுக்கும் மேற்பட்ட மாணவ மாணவிகள் கலந்து கொண்டனர். போட்டியில் கலந்து கொண்டு வெற்றி பெற்ற மாணவ மாணவியர்களுக்கு அறிஞர் அண்ணா கல்லூரியின் முதல்வர் சு.தனபால் அவர்கள் அவர்கள் வாழ்த்துக்களை தெரிவித்தார்.

April 19, 2023 0 comment

Current News அரசியல்தர்மபுரி

வன்னியர்களுக்கு 10.5% தனி இடஒதுக்கிடூ வழங்கிட கோரி தருமபுரி பாமக சார்பாக தருமபுரி அஞ்சல் அலுவலகத்தில் இருந்து தபால்கள் அனுப்பப்பட்டது

by Babukanth V April 19, 2023

written by Babukanth V

பாட்டாளி மக்கள் கட்சியின் மாநில தலைவர் மருத்துவர் அன்புமணி ராமதாஸ் ஆணைக்கிணங்க வன்னியர்களுக்கு 10.5% உள்ள ஒதுக்கிட வழங்கிட கோரி
தமிழக முதல்வர் ஸ்டாலின்
அவர்களுக்கும்
தமிழ்நாடு பிற்படுத்தப்பட்டோர் ஆணைய
தலைவர் நீதியரசர் வீ. பாரதிதாசன் அவர்களுக்கும் தர்மபுரி தலைமை தபால் நிலையத்தில் உள்ள தபால் பெட்டியில் தபால்கள் அனுப்பும் நிகழ்வு பாட்டாளி இளைஞர் சங்கத்தின் முன்னாள் மாவட்ட செயலாளர் முனைவர் தகடூர் தமிழன் தலைமையில் நடைபெற்றது. இந்நிகழ்வில் பென்னாகரம் தொகுதி அமைப்பாளர் சுதாகிருஷ்ணன், அன்புமணி தம்பிகள் படை மாவட்ட செயலாளர் கார்த்திக்கேயன் , மற்றும் பாட்டாளி மக்கள் கட்சியின் முக்கிய நிர்வாகிகள் மற்றும் மாற்று சமுதாயத்தினை சார்ந்தவர்கள் உடன் இருந்தனர்.

April 19, 2023 0 comment

Agriculture ஓசூர்கிருஷ்ணகிரி

கிருஷ்ணகிரி அறிஞர் அண்ணா கலை மற்றும் அறிவியல் கல்லூரியின் ஆங்கிலத் துறையில் ஒரு நாள் தேசிய கருத்தரங்கம் நடைபெற்றது.

by Babukanth V March 29, 2023

written by Babukanth V

அறிஞர் அண்ணா கல்லூரியின் ஆங்கிலத்துறையில் ஒரு நாள் தேசிய கருத்தரங்கம்.

கிருஷ்ணகிரி அறிஞர் அண்ணா கலை மற்றும் அறிவியல் கல்லூரியின் ஆங்கிலத் துறையில் ஒரு நாள் தேசிய கருத்தரங்கம் செவ்வாய்க்கிழமை ( 28 .03 2023) அன்று நடைபெற்றது. கல்லூரியின் ஆங்கிலத் துறை தலைவர் S.பிரகாஷ் அவர்கள் வரவேற்புரை ஆற்றினார். கல்லூரியின் முதல்வர் முனைவர் சு. தனபால் அவர்கள் தலைமை தாங்கினார். தன்னுடைய தலைமை உரையில், மாணவ மாணவியர்கள் பல்வேறு படைப்பாளுமை திறமைகளை வளர்த்துக் கொள்ள வேண்டும். ஆங்கில அறிவை வளர்த்துக் கொள்ள வேண்டும்.
உலகம் முழுவதும் தகவல் தொடர்பு மொழியாக ஆங்கிலம் பயன்படுவதால் அதனை சரளமாக அனைத்து மாணவ மாணவியர்களும் பேசுதல் வேண்டும். நாள்தோறும் ஆங்கில நாளிதழ்களை வாசித்தல் வேண்டும் என்று பேசினார். கருத்தரங்கத்தில் சிறப்பு விருந்தினராக ஆந்திர பிரதேசம் மாநிலத்தின் ஜென் ஜோசப் கலை மற்றும் அறிவியல் கல்லூரியின் ஆங்கிலத்துறை தலைவி , இணை பேராசிரியை முனைவர் R. பாத்திமா ராய் கலந்து Recent Trends in English language Teaching and learning என்னும் தலைப்பில் சிறப்புரையாற்றினார். தன்னுடைய சிறப்பு உரையில், மாணவ மாணவியர்கள் நாள்தோறும் ஆங்கில க் கட்டுரைகளை வாசிக்கும் பழக்கத்தை ஏற்படுத்திக் கொள்ள வேண்டும். பாடத்தில் உள்ள கருத்துக்களை வாழ்க்கையில் எடுத்து முன்னேற்றம் காண வேண்டும். பல்வேறு கருத்தரங்களில் பங்கு பெற வேண்டும். ஆய்வுக் கட்டுரைகளை வாசிக்கும் பழக்கத்தை ஏற்படுத்திக் கொள்ள வேண்டும் என்று பேசினார். கருத்தரங்கத்தில் சேலம், தர்மபுரி, நாமக்கல், கிருஷ்ணகிரி திருப்பத்தூர் உள்ளிட்ட பல்வேறு கல்லூரிகளில் இருந்து 300-க்கும் மேற்பட்ட ஆங்கிலத் துறை ஆராய்ச்சி மாணவ மாணவிகள் பங்குபெற்று சிறப்பித்தனர். கருத்தரங்கத்தில் ஆங்கிலத்துறை பேராசிரியர்களான திரு மாட்டின் பால்ராஜ் , திரு புஷ்பராஜ் , திரு மணி, முனைவர் லெமன்சினோ, திருமதி கலைவாணி திருமதி இந்திரா, திருமதி சுமதி, திருமதி பிரியா ,திருமதி சந்தியா ஆகியோர் கலந்து கொண்டு சிறப்பித்தனர். கருத்தரங்கின் நிறைவாக கல்லூரியின் ஆங்கிலத்துறை உதவிப் பேராசிரியர் சரவணகுமார் நன்றி கூற, கருத்தரங்கம் நாட்டுப்பண்ணுடன் இனிதே நிறைவு பெற்றது.

March 29, 2023 0 comment

Breaking News கிருஷ்ணகிரி தர்மபுரி

தருமபுரி மாவட்டம் பாலக்கோடு பேரூராட்சியில் குப்பையும் செல்வமாகும் என்ற விழிப்புணர்வு நிகழ்ச்சி மற்றும் பேரணி நடைபெற்றது

by Babukanth V March 29, 2023

written by Babukanth V

பாலக்கோடு பேரூராட்சியில் குப்பையும் செல்வமாகும் விழிப்புணர்வு பேரணி.

தர்மபுரி மாவட்டம் பாலக்கோடு பேரூராட்சியில் உள்ள 18 வார்டு பகுதிகளில் நகரத்தை தூய்மையாக வைத்துக் கொள்ளவும், சுகாதாரத்தை பேணி காக்கவும் நகர தூய்மை இயக்கத்தின் சார்பில் குப்பையும் செல்வமாகும் என்ற விழிப்புணர்வு நிகழ்ச்சி மற்றும் பேரணி பேரூராட்சி தலைவர் பி.கே.முரளி தலைமையில் நடைப்பெற்றது.

நிகழ்ச்சியில் பேரூராட்சி அலுவலகத்தில் குப்பையும் செல்வமாகும் , திடக்கழிவு மேலாண்மை செயலாக்கம் ஆகிய செயல்பாடுகள் குறித்த கண்காட்சி நடைப்பெற்றது.
அதனை தொடர்ந்து ஜீரோ வேஸ்ட் உணவு விழிப்புணர்வு வாகன பேரணியை பேரூராட்சி தலைவர் பி.கே.முரளி கொடியசைத்து துவக்கி வைத்தார். இந்த ஊர்வலமானது, பேரூராட்சி அலுவலகத்தில் தொடங்கி, கடைத்தெரு, ஸ்தூபி மைதானம், பஸ் நிலையம், எம்.ஜிரோடு மற்றும் முக்கிய வீதி வழியாக ஊர்வலமாக சென்றனர். ஊர்வலத்தின் போது உணவு வீண் செய்ய கூடாது, குப்பைகளை மக்கும், மக்காத குப்பையாக தரம் பிரித்து பேரூராட்சி தூய்மை காவலர்களிடம் ஒப்படைக்க வேண்டும் மேலும் பேரூராட்சியில் உள்ள குப்பை மற்றும் குறைகளை தெரிவிக்க ஸ்வச்சதா செயலி மூலம் தெரிவிக்க கேட்டுக் கொண்டனர்.

இந்நிகழ்ச்சியில் பேரூராட்சி செயல் அலுவலர் டார்த்தி, துப்புவு மேற்பார்வையாளர் ரவீந்திரன், துணைத் தலைவர் தாஹசீனா இதயாத்துல்லா, கவுன்சிலர்கள் விமலன் ரூஹித், குருமணி, பேரூராட்சி ஊழியர்கள், தூய்மை காவலர்கள் மற்றும் அரசு கலைக் கல்லூரி மாணவர்கள் திரளாக கலந்து கொன்டனர்.

March 29, 2023 0 comment

Current News அரசியல்கிருஷ்ணகிரி தர்மபுரி

ஊத்தங்கரையை அடுத்த சாமல்பட்டியில் ரயில் மறியலில் போராட்டத்தில் ஈடுபட முயன்ற காங்கிரஸ் கட்சியினரை சாமல்பட்டி போலீசார் கைது செய்தனர்.

by Babukanth V March 29, 2023

written by Babukanth V

சாமல்பட்டியில் ரயில் மறியலில் ஈடுபட முயன்ற காங்கிரஸ் கட்சியினர் 50 க்கும் மேற்பட்டோர் கைது.

ஊத்தங்கரை, மார்ச் . 29: ஊத்தங்கரை அடுத்த சாமல்பட்டி ரயில் நிலையத்தில், ராகுல்காந்தி எம்பி பதவியை டிஸ்மிஸ் செய்ததை கண்டித்து, ரயில் மறியல் போராட்டத்தில் ஈடுபட முயன்ற காங்கிரஸ் நிர்வாகிகள் 50 க்கும் மேற்பட்டோரை சாமல்பட்டி போலீஸôர் புதன்கிழமை கைது செய்தனர்.
போராட்டத்திற்க்கு காங்கிரஸ் கட்சியின் மாநில செயலாளர் ஜெ.எஸ். ஆறுமுகம் தலைமை வகித்தார். சாமல்பட்டி ரயில் நிலையத்தில் புதன்கிழமை காலை சுமார் 9.50 மணிக்கு வரக்கூடிய இன்டர்சிட்டி எக்ஸ்பிரஸ் ரயிலை நிறுத்தி ஆர்ப்பாட்டத்தில் ஈடுபட முயன்றனர்.

அப்போது பாதுகாப்பு பணியில் ஈடுபட்டிருந்த ரயில்வே போலீஸôர் மற்றும் ஊத்தங்கரை வட்டாட்சியர் திருமலைராஜன், ஊத்தங்கரை காவல் துணை கண்காணிப்பாளர் அ.அமல அட்வின் தலைமையில் 50 க்கும், மேற்பட்ட போலீஸôர், ரயில் மறியலில் ஈடுபட முயன்ற காங்கிரஸ் கட்சியினரை, தடுத்து நிறுத்தி குண்டுகட்டாக தூக்கி சென்று கைது செய்து, தனியார் திருமண மண்டபத்தில் அடைத்தனர். இதில் வட்டாரத் தலைவர்கள் திருமால், ரவிச்சந்திரன், நகர தலைவர் விஜயகுமார், மத்தூர் வட்டார தலைவர் மின்டிகிரி ரவி, கிருஷ்ணகிரி நகர தலைவர் லிலித் ஆண்டனி, முன்னாள் அகில இந்திய காங்கிரஸ் கமிட்டி உறுப்பினர் முத்து, வட்டார துணைத் தலைவர்கள் சுப்பிரமணி, முருகேசன்,துணைத் தலைவர் விவேகானந்தன், சமூக ஊடகப்பிரிவு மாவட்டத் தலைவர் கமலக்கண்ணன், சிங்காரப்பேட்டை ஊராட்சி மன்ற தலைவர் அகமத்பாஷா மற்றும் காங்கிரஸ் நிர்வாகிகள் தேவராஜன், சொக்கலிங்கம், இளையராஜா, கோவிந்தசாமி, மகி, அண்ணாதுரை, சபாபதி உள்பட காங்கிரஸ் நிர்வாகிகள் பலர் கலந்து கொண்டனர்.
காங்கிரஸ் கட்சியின் மாநில செயலாளர் ஜெ.எஸ். ஆறுமுகம் செய்தியாளர்களிடம் கூறும்போது.

மோடி தலைமையிலான ஆட்சி ஜனநாயக படுகொலை மற்றும் சர்வதிகார ஆட்சி நடந்து வருகிறது. அரசியல்வாதிகளின் குரல்வலையை நசுக்குகிறது. இவ்வாறு அடக்குமுறை தொடர்ந்தால், காங்கிரஸ் கட்சியின் சார்பில், நாடு முழுவதும் பல்வேறு இடங்களில் மாபெரும் கண்டன ஆர்ப்பாட்டங்கள் நடைபெறும் என்பதை எச்சரிக்கையுடன் தெரிவித்தார்.

March 29, 2023 0 comment

Current News அரசியல்ஓசூர்கிருஷ்ணகிரி

வேப்பனப்பள்ளி தொகுதி சூளகிரி ஒன்றியம் குண்டுகுறிக்கி கிராமத்தில் தனியார் நிறுவனம் சார்பாக 200 மரக்கன்றுகளை சூளகிரி சேர்மென் லாவண்யா ஹேம்நாத் வைத்து தண்ணீர் ஊற்றினார்

by Babukanth V March 29, 2023

written by Babukanth V

வேப்பனஹள்ளி தொகுதி சூளகிரி ஒன்றியத்திற்குட்பட்ட குண்டுகுறுக்கி கிராமம் அருகேயுள்ள குட்டையில் சூளகிரி ஒன்றிய சேர்மென்
திருமதி லாவண்யா
ஹேம்நாத்
அவர்களின்
தலைமையில்
TOYOTA BOSHOKU Automotive Private Limited நிறுவனத்தின் சார்பாக
200 மரக் கன்றுகளை வைத்தார். பின்னர் Toyota நிறுவனதிற்குள்
சென்று எவ்வாறு உற்பத்தி செய்யப்படுகிறது என்று ஊழியர்களிடம் கேட்டுதெரிந்து கொண்டனர்.
இந்நிகழ்வில்-
வட்டார வளர்சி அலுவலர்-
விமல் ரவிகுமார்,
ஊராட்சி மன்ற தலைவர்-
திருமதி.கோபம்மா சக்கார்லப்பா,
TOYOTA நிறுவன மேலாளர் சதிஷ்,
HR.மேலாளர் குமார்,
Asst HR பிரபாகரன்,
மற்றும் ஊழியர்கள், தாஜ்,
Cleark ஆகியோர் கலந்து கொண்டனர்.

March 29, 2023 0 comment

அரசியல்தர்மபுரி

அதிமுக பொதுக்குழு தீர்மானங்கள் செல்லும் என ஹை கோர்ட் தீர்ப்பு வழங்கியதை அடுத்து காரியமங்கலத்தில் அதிமுகவினர் பட்டாசு வெடித்து பொதுமக்களுக்கு இனிப்பு வழங்கி கொண்டாடினர்

by Babukanth V March 28, 2023

written by Babukanth V

அதிமுக பொதுக்குழு தீர்மானங்கள் செல்லும் என ஹை கோர்ட் தீர்ப்பு வழங்கியதை அடுத்து அதிமுகவினர் பட்டாசு வெடித்துபொதுமக்களுக்கு இனிப்புகள் வழங்கி உற்சாகம் தெரிவித்தனர். முன்னாள் முதல்வர் எடப்பாடி பழனிசாமி தலைமையிலான பொதுக்குழு தீர்மானங்கள் செல்லும் என சென்னை ஹைகோர்ட் நேற்று பரபரப்பு தீர்ப்பு வழங்கியது. இதையடுத்து காரிமங்கலம் ராமசாமி கோவில், எம்ஜிஆர் சிலை அருகே ஒன்றிய செயலாளர் செந்தில்குமார் தலைமையில் அதிமுகவினர் பட்டாசு வெடித்து பொதுமக்களுக்கு இனிப்புகள் வழங்கினர். இந்த நிகழ்ச்சியில் மாவட்ட கவுன்சிலர் காவேரி, கூட்டுறவு சர்க்கரை ஆலை இயக்குனர் ரவிசங்கர், நகர செயலாளர் காந்தி, அவைத் தலைவர் மகாலிங்கம் பஞ்சாயத்து தலைவர்கள் சாந்தி சம்பத், நந்தினி பிரியா செந்தில் குமார், ராதிகா காசிராஜன், கவிதா நாகராஜ் ஒன்றிய கவுன்சிலர்கள் காவேரி அம்மாள் மாணிக்கம், கணபதி, மாது, அண்ணா தொழிற்சங்க மண்டல தலைவர் சிவம், கூட்டுறவு சங்க தலைவர் சந்திரன், வழக்கறிஞர் பாரதி, நகர அவைத் தலைவர் உதயசங்கர் உட்பட பலர் கலந்து கொண்டனர்.

March 28, 2023 0 comment

Breaking News ஓசூர்கிருஷ்ணகிரி தர்மபுரி

கிருஷ்ணகிரி அறிஞர் அண்ணா கலை மற்றும் அறிவியல் கல்லூரியில் காவேரிப்பட்டணம் அரசு ஆண்கள் மேல்நிலைப் பள்ளியுடன் இணைந்து மஞ்சப்பை விழிப்புணர்வு நிகழ்ச்சி நடத்தப்பட்டது

by Babukanth V March 28, 2023

written by Babukanth V

அறிஞர் அண்ணா கலை மற்றும் அறிவியல் கல்லூரியில் மஞ்சப்பை விழிப்புணர்வு நிகழ்ச்சிகள் கிருஷ்ணகிரி அறிஞர் அண்ணா கலை மற்றும் அறிவியல் கல்லூரியில் காவேரிப்பட்டணம் அரசு ஆண்கள் மேல்நிலைப் பள்ளியுடன் இணைந்து மஞ்சப்பை விழிப்புணர்வு நிகழ்ச்சிகள் நடத்தப்பட்டன நிகழ்ச்சியை முன்னிட்டு கல்லூரி மாணவ மாணவிகளுக்கு பேச்சுப்போட்டி கட்டுரை போட்டி ஓவியப்போட்டி வினாடி வினா கருத்தரங்கம் ஆகியவை நடத்தப்பட்டன நிகழ்ச்சிகளுக்கு பேராசிரியர் டாக்டர் வேல்சாமி வரவேற்புரை நிகழ்த்தினார் நாட்டு நலப்பணி திட்ட அலுவலர்கள் டாக்டர் ஜெகன் மற்றும் ஸ்டீபன் விக்டர் ஆன்டனி ஆகியோர் முன்னிலை வகித்தனர் கல்லூரியின் முதல்வர் டாக்டர் தனபால் தலைமை தாங்கினார் சிறப்பு விருந்தினராக காவேரிப்பட்டணம் அரசு ஆண்கள் மேல்நிலைப் பள்ளியின் உதவி தலைமை ஆசிரியர் பவுன்ராஜ் கலந்துகொண்டு பல்வேறு போட்டிகளில் கலந்து கொண்ட அனைத்து மாணவர்களுக்கும் விழிப்புணர்வு துண்டு பிரசுரங்கள் மற்றும் மஞ்சப்பைகளை பரிசாக வழங்கினார் கருத்தரங்கில் அவர் பேசும் போது நெகிழிப் பைகளால் நமது பூமி எவ்வாறு கடுமையாக பாதிக்கப்படுகிறது என்பதையும் நெகிழிப் பைகளை தவிர்த்து துணி பைகளை பயன்படுத்த மக்களுக்கு விழிப்புணர்வு ஏற்படுத்த தமிழக அரசு எடுத்து வரும் சிறப்பு நடவடிக்கைகள் குறித்தும் விரிவாக எடுத்துரைத்தார் கல்லூரி முதல்வர் பேசும் போது மஞ்சப்பை குறித்து தொடர்ந்து விழிப்புணர்வு ஏற்படுத்தி வரும் காவேரிப்பட்டணம் அரசு ஆண்கள் மேல்நிலைப் பள்ளிக்கு பாராட்டு தெரிவித்தார் நிகழ்ச்சியில் பேராசிரியர்கள் டாக்டர் கரோலின் ரோஸி டாக்டர் ராஜலக்ஷ்மி திரு ராமமூர்த்தி ஆகியோர் கலந்து கொண்டனர் இறுதியில் நூலகர் டாக்டர் தனசீலன் நன்றி கூறினார் நிகழ்ச்சிகளுக்கான அனைத்து ஏற்பாடுகளையும் சுற்றுச்சூழல் மன்றத்தின் ஒருங்கிணைப்பாளர் டாக்டர் விஜயகாந்த் செய்திருந்தார்.

March 28, 2023 0 comment

Newer Posts

Older Posts