தர்மபுரியில் அதியமான் கிரிக்கெட் கிளப் சார்பில் நடைபெறும் கிரிக்கெட் போட்டிகள் துவக்க விழாவில் பாமக தலைவர் மருத்துவர் அன்புமணி இராமதாஸ் அவர்கள் கலந்துகொண்டு போட்டியினை துவக்கி வைத்தார். இந்நிகழ்வில் பாட்டாளி மக்கள் கட்சியின் சட்டமன்ற உறுப்பினர்கள் ஜி.கே.மணி,எஸ்.பி.வெங்கடேஸ்வரன் , சதாசிவம் மற்றும் முன்னாள் நாடாளுமன்ற உறுப்பினர்கள் மருத்துவர் .செந்தில் பாரிமோகன் , முன்னாள் சட்டமன்ற உறுப்பினர்கள் கார்த்திக், வேலுச்சாமி மற்றும் பாட்டாளி மக்கள் கட்சி, வன்னியர் சங்கம் , இளைஞர் சங்கத்தினை சார்ந்த முக்கிய நிர்வாகிகள் உடன் இருந்தனர்.
தர்மபுரி
பாலக்கோடு அருகே 2 ஆண்டுகளாக குடிநீர் குழாயில் தண்ணீர் வராததால் பொதுமக்கள் வேதனை- கட்சி மோதலில் கிராம மக்கள் பாதிப்பு
பாலக்கோடு அருகே 2ஆண்டுகளாக குடிநீர் குழாயில் தண்ணீர் வராததால் பொதுமக்கள் வேதனை- கட்சி மோதலில் கிராம மக்கள் பாதிப்பு .தருமபுரி மாவட்டம் பாலக்கோடு ஒன்றியம், எர்ரணஹள்ளி ஊராட்சியில் உள்ள ரெட்டியூர், வி.செட்டிஏரிபள்ளம், சமத்துவபுரம் உள்ளிட்ட கிராம பகுதிகளுக்கு ஒன்றிய பொதுநிதியிலிருந்து கடந்த 20-2021ம் ஆண்டில் ரெட்டியூர் கிராமத்தில் உள்ள 30ஆயிரம் லிட்டர் நீர்தேக்க தொட்டியிலிருந்து வி.செட்டிஏரி பள்ளம் வரை ஒகேனக்கல் குடிநீர் வழங்க 2.40லட்சம் ரூபாய் மதிப்பில் குடிநீர் குழாய் அமைக்கப்பட்டது. இந்த நிலையில் இரண்டு ஆண்டுகள் கடந்தும் தற்போது வரை இப்பகுதிகளுக்கு குடிநீர் வழங்கப்படவில்லை. குடிநீர் குழாய் அமைக்கப்பட்ட பகுதி புதர்மண்டி காட்சி பொருளாகிஉள்ளது .மேலும் தற்போது கோடைகாலம் என்பதால் கடும் குடிநீர் தட்டுப்பாடு ஏற்பட்டுள்ள நிலையில் கிராமமக்கள் சுமார் ஒரு கிலோ மீட்டர் தூரம் நடந்து சென்று ஒகேனக்கல் குடிநீர் எடுத்து வரும் அவல நிலை ஏற்பட்டுள்ளது.இது குறித்து கிராம மக்கள் கூறுகையில் எர்ரனஅள்ளி ஒன்றிய குழுக கவுன்சிலர் அழகுசிங்கம் திமுகவை சேர்ந்தவர், இவர் 2 இலசட்த்து 40 ஆயிரம் ரூபாயில் ஒகேனக்கல் குடிநீர் குழாய் இனைப்பு வழங்கி உள்ளார். எர்ரனஅள்ளி ஊராட்சி மன்றதலைவர் பாமகவை சேர்ந்தவர் என்பதால் திமுக கவுன்சிலர் வழங்கிய திட்டத்தை செயல்படுத்த விடாமல் கிடப்பில் போட்டுள்ளார்.இவர்களின் கட்சி மோதலில் கிராம மக்கள் குடிக்க தண்ணீர் இன்றி அவதிப்பட்டு வரும் நிலைக்கு தள்ளப்பட்டுள்ளனர்.தமிழக முதல்வர் விரைந்து நடவடிக்கை எடுத்து எங்கள் பகுதிக்கு தண்ணீர் கிடைக்க வழிவகை செய்ய வேண்டும் என அப்பகுதி மக்கள் கோரிக்கை விடுத்துள்ளனர்.
பாலக்கோடு பேரூராட்சியில் நடைபெற்று வரும் பணிகளை திடீர் ஆய்வு மேற்கொண்ட பேரூராட்சிகளின் இயக்குனர் கிரண்குராலா
தர்மபுரி மாவட்டம் பாலக்கோடு பேரூராட்சியில் உள்ள 18 வார்டுகளில் நடைபெற்று வரும் திட்ட பணிகள்,கலைஞர் நகர்புற மேம்பாட்டு திட்டத்தில் பேருந்து நிலைய சீரமைப்பு பணிகள், வளமீட்பு பூங்காவில் செயல்படுத்தப்பட்டு வரும் திடக்கழிவு மேலாண்மை திட்டம், ஜல்சத்தி திட்டத்தில் ஒவ்வொரு வீடுகளுக்கும் குடிநீர் இணைப்பு வழங்குதல் மற்றும் பல்வேறு திட்டப் பணிகள் நடைபெற்று வருவது குறித்து சென்னை பேரூராட்சிகளின் இயக்குனர் கிரண்குராலா திடீர் ஆய்வுமேற்கொண்டார்அப்போது பேரூராட்சி நிர்வாகம் கூசுகல் பகுதியில் திடக்கழிவு மேலாண்மை திட்டம் சிறப்பாக செயல்படுத்தப்படுத்தி வருவதாக பாராட்டு தெரிவித்தார்.மேலும் பாலக்கோடு பேருந்து நிலைய சீரமைப்பு பணிகளை விரைந்து முடிக்க அறிவுறுத்தினார்.இந்த ஆய்வின் போது தர்மபுரி மண்டல உதவி இயக்குனர் குருராஜன், மண்டல செயற்பொறியாளர்கள் , மாவட்ட உதவி செயற்பொறியாளர்கள், பேரூராட்சி தலைவர் முரளி, செயல் அலுவலர் டார்த்தி, துப்புரவு மேற்பார்வையாளர் ரவீந்திரன் மற்றும் அலுவலகப் பணியாளர்கள் உடன் இருந்தனர்.
தருமபுரி சீட்ஸ் தொண்டு நிறுவனம் மற்றும் பல்வேறு அமைப்புகளின் சார்பில் பாப்பாரப்பட்டி உண்டு உறைவிடப் பள்ளியில் பயின்ற 10, 11 மற்றும் 12 ஆம் வகுப்பில் தேர்ச்சி பெற்ற மாணவிகளுக்கு பாராட்டு விழா
நல்லம்பள்ளி சீட்ஸ் தொண்டு நிறுவனத்தில் சீட்ஸ் தொண்டு நிறுவனம், கிரஸ்ட் இந்தியா பவுண்டேசன், இந்தியன் பில்லர்ஸ் மற்றும்பசியில்லா தருமபுரி ஆகிய அமைப்புகளின் சார்பில் பாப்பாரப்பட்டி உண்டு உறைவிடப் பள்ளியில் பயின்ற 10, 11 மற்றும் 12ஆம் வகுப்பில் தேர்ச்சி பெற்ற மாணவிகளுக்கு பாராட்டு விழா, வளரும் யூடியூபர் விருது பெற்ற அதியமான் கோட்டை ராமன் நண்பருக்கு பாராட்டு நிகழ்வு மற்றும் கூவாகம் திருவிழாவில் சிகரம் தொட்ட திருநர் விருது பெற்ற திருநங்கை சமீரா ஆகியோருக்கு பாராட்டு விழா* சிறப்பாக நடைபெற்றது.இந்நிகழ்வில் கலந்து கொண்டு சிறப்பித்த அனைவருக்கும் *நன்றி!* இந்நிகழ்வில். சீட்ஸ் தொண்டு நிறுவன இயக்குனர்ஏ. சரவணன்,கிரஸ்ட் இந்தியா பவுண்டேன்முதன்மை இயக்குனர் பொம்மிடி முருகேசன் இந்தியன் பில்லர்ஸ்நிறுவனர்வினோத் நரசிம்மன், கிரஸ்ட் இந்தியா பவுண்டேசன் தலைவர் சசிகுமார்,வி.பார்.யூ அறக்கட்டளை நிறுவனர்டாக்டர்.வெ.பிரகாஷ்,பசியில்லா தருமபுரி நிறுவனர்வி.வினோத் குமார்,வனவிலங்கு ஆராய்ச்சியாளர்ராம்குமார்,PPDC தொண்டு நிறுவனத்தைச் சேர்ந்த காசிமணி,REED தொண்டு நிறுவனத்தை சேர்ந்த சந்திரகலா,இந்தியன் பில்லர்ஸ்சோழ பாண்டியன்,ராமன், அதியமான் கோட்டை,ஸ்ரீ தேவிமகா கல்வி அறக்கட்டளைஆர்.அன்பரசு,மாஸ்டர் மோட்டார்ஸ்நிர்வாக இயக்குனர்ஆர். துரைஆகியோர் கலந்து கொண்டனர்.ஸ்ரீ தேவிமகா கல்வி அறக்கட்டளைநிறுவனர் தேவகி பரமசிவம் நன்றி கூறினார்.
பாலக்கோடு அருகே சூடானுர் ஊராட்சியில் 57.12இலட்சம் ரூபாய் மதிப்பீட்டில் பல்வேறு திட்ட பணிகளுக்கு முன்னாள் அமைச்சர் கே.பி.அன்பழகன் பூமி பூஜை செய்து அடிக்கல் நாட்டினார்.
பாலக்கோடு அருகே சூடானுர் ஊராட்சியில் 57.12இலட்சம் ரூபாய் மதிப்பீட்டில் பல்வேறு திட்ட பணிகளுக்கு அதிமுக முன்னாள் அமைச்சர் கே.பி.அன்பழகன் பூமி பூஜை செய்து அடிக்கல் நாட்டினார்.தர்மபுரி மாவட்டம் பாலக்கோடு அருகே சூடானுர் ஊராட்சியில் உள்ள காடுசெட்டிப்பட்டி, கூலிகானுர், சூடானுர் ஆகிய கிராமங்களில் நிழற்கூடம் அமைத்தல், மேல்நிலை நீர்த்தேக்க தொட்டி, அங்கன்வாடி மைய கட்டிடம், கழிவு நீர் கால்வாய் அமைத்தல், சிமென்ட்டு சாலை அமைத்தல், தனிநபர் வீடுகளுக்கு குடிநீர் குழாய் உள்ளிட்ட பல்வேறு பணிகளுக்கு கனிமவள நிதி மற்றும் சட்டமன்ற தொகுதி மேம்பாட்டு நிதியிலிருந்து முன்னாள் அதிமுக அமைச்சர், கே.பி.அன்பழகன் எம்எல்ஏ அவர்கள் 57.12லட்சம் ரூபாய் நிதி ஒதுக்கீடு செய்து திட்ட பணிகளுக்கு பூமி பூஜை செய்து துவக்கி வைத்து பேசியவர் தொகுதியில் உள்ள கடைகோடி கிராமங்களும் அனைத்து அடிப்படை வசதிகளும் மக்களை சென்றடைய பாடுபடுவதாக கூறினார்.இந்நிகழ்ச்சியில் முன்னாள் அரசு வழக்கறிஞர் செந்தில், ஒன்றிய குழு உறுப்பினர் பாஞ்சாலை கோபால்,கூட்டுறவு சர்க்கரை ஆலை தலைவர் நாகராசன், மாவட்ட அறங்காவலர் குழு தலைவர் ரங்கநாதன், சர்க்கரை ஆலை இயக்குநர் மாதன் மற்றும் திரளான பொதுமக்கள் கலந்து கொண்டனர்.
பாலக்கோடு பஸ் நிலையம் அருகில் லாட்டரி சீட்டு விற்றவர் கைதுதருமபுரி மாவட்டம் பாலக்கோடு பகுதியில் தடை செய்யப்பட்ட லாட்டரி சீட்டுக்கள் விற்பனை செய்வதாக பாலக்கோடு போலீசாருக்கு இரகசிய தகவல் கிடைத்தது,அதனை தொடர்ந்து பாலக்கோடு போலீசார் தீவிர கண்காணிப்பில் ஈடுபட்டு வந்தனர். அப்போது பாலக்கோடு பஸ் நிலையம் அருகில் லாட்டரி சிட்டு விற்பனை செய்து கொண்டிருந்தவரை பிடித்து விசாரித்தில் மைதீன்நகரை சேர்ந்த யூசுப் அலி (வயது. 43) என்பதும் இவர் தடை செய்யப்பட்ட வெளிமாநில லாட்டரி சீட்டுக்கள் விற்பனை செய்ததும் தெரிய வந்ததது, அவரை கைது செய்து அவரிடமிருந்த2000 ரூபாய் பணம் மற்றும் 1000 ரூபாய் மதிப்புள்ள லாட்டரி சீட்டுக்களை பாலக்கோடு போலீசார் பறிமுதல் செய்தனர்.
தருமபுரி அரசு கலைக்கல்லூரி மைதானத்தில் தருமபுரி வட்டாரப் போக்குவரத்து அலுவலகத்தின் சார்பில் நடைபெற்ற பள்ளி வாகன ஆய்வினை மாவட்ட ஆட்சித்தலைவர் கி.சாந்தி நேரில் பார்வையிட்டு ஆய்வு
தருமபுரி மாவட்டம், தருமபுரி அரசு கலைக்கல்லூரி மைதானத்தில் தருமபுரி வட்டாரப் போக்குவரத்து அலுவலகத்தின் சார்பில் இன்று நடைபெற்ற பள்ளி வாகனங்கள் ஆய்வினை மாவட்ட ஆட்சித்தலைவர் திருமதி.கி.சாந்தி, இ.ஆ.ப, அவர்கள் நேரில் பார்வையிட்டு ஆய்வுபள்ளி குழந்தைகளின் பாதுகாப்பு நலன் கருதி, பள்ளி வாகனங்களில் அரசின் அனைத்து விதிமுறைகளும் முழுமையாக பின்பற்றப்பட்டுள்ளதா என்பதை உரிய முறையில் ஆய்வு செய்திட வேண்டும் என வட்டார போக்குவரத்து அனுவலர்களுக்கு உத்தரவுதருமபுரி மாவட்டம். தருமபுரி அரசு கலைக்கல்லூரி மைதானத்தில் தருமபுரி வட்டாரப் போக்குவரத்து அலுவலகத்தின் சார்பில் பள்ளி வாகனங்கள் ஆய்வு இன்று (20.05.2023) நடைபெற்றது. மாவட்ட ஆட்சித்தலைவர் திருமதி.கி.சாந்தி இஆப, அவர்கள் பள்ளி வாகனங்களை நேரில் பார்வையிட்டு ஆய்வு மேற்கொண்டு. பள்ளி குழந்தைகளின் பாதுகாப்பு நலன் கருதி, பள்ளி வாகனங்களில் அரசின் அனைத்து விதிமுறைகளும் முழுமையாக பின்பற்றப்பட்டுள்ளதா என்பதை உரிய முறையில் ஆய்வு செய்திட வேண்டும் என வட்டார போக்குவரத்து அலுவலர்களுக்கு உத்தரவிட்டார்கள்.தமிழ்நாடு மோட்டார் வாகன சிறப்பு விதிகள் 2012. விதி 11- ன்படி ஒவ்வொரு வருடமும் பள்ளி வாகனங்கள் ஆய்வு செய்ய மாவட்ட அளவிலான குழு (DISTRICT LEVEL INTER DEPARTMENTAL COMMITTEE) அமைக்கப்பட்டுள்ளது. இக்குழுவின் தலைவர் வருவாய் கோட்ட அலுவலர் ஆகும். உறுப்பினர்களாக 1. வட்டாரப் போக்குவரத்து அலுவலர் 2. துணை காவல் கண்காணிப்பாளர் 3. முதன்மை கல்வி அலுவலர்/ மாவட்ட கல்வி அலுவலர் 4, மோட்டார் வாகன ஆய்வாளர் நிலை -1 ஆகியோர் உள்ளனர். இக்குழுவினர் ஒவ்வொரு ஆண்டும் பள்ளி வாகனங்கள் அனைத்தையும் பொதுவான ஓர் இடத்தில் வாகனங்களின் தகுதி குறித்து கூட்டு ஆய்வு மேற்கொள்ள அரசு உத்தரவிட்டுள்ளது.இதன்படி. 2023-2024 ஆண்டிற்கான. தருமபுரி மாவட்டத்தில் தருமபுரி வட்டாரப் போக்குவரத்து அலுவலகம் மற்றும் பாலக்கோடு பகுதி அலுவலகங்களை சார்ந்த பள்ளி வாகனங்கள் இன்று (20.05.2023) தருமபுரி அரசு கலைக்கல்லூரி மைதானத்தில் ஆய்வு மேற்கொள்ளப்பட்டது. இந்த ஆய்வில் 220 பள்ளி வாகனங்கள் ஆய்வு செய்யப்பட்டதில் குறைபாடுகளுடைய 4 வாகனங்களுக்கு தகுதிச்சான்று ரத்து செய்யப்பட்டது. மேலும், சிறு குறைபாடுகளுடைய 22 வாகனங்கள் கண்டறியப்பட்டு, அவ்வாகனங்களின் குறைகளை நிவர்த்தி செய்து ஒரு வார காலத்திற்குள் மீண்டும் ஆய்விற்கு உட்படுத்த வேண்டுமென அறிவுறுத்தப்பட்டது.இந்த சோதனையில் பள்ளி வாகனங்களில் அவசர கால வழி, பள்ளி பேருந்தில் கண்காணிப்பு கேமரா மற்றும் ஜி.பி.எஸ் கருவி, தீயணைப்பு கருவி. இருக்கைகள் எண்ணிக்கை, முதலுதவி பெட்டி, வாகனத்தின் தரைதளம், கை ப்ரேக் (Hand Brake) ஆகியவை சரியாக உள்ளதா என ஆய்வு மேற்கொள்ளப்பட்டது.மேலும், ஆய்விற்கு வராத பள்ளி வாகனங்கள் பொதுச்சாலையில் இயக்குவது கண்டறியப்பட்டால் வாகனம் இயக்க விடாமல் தடைசெய்வதற்கான உடனடி நடவடிக்கை எடுக்கப்படும் எனவும் எச்சரிக்கப்பட்டது. மாவட்டத்தில் உள்ள அனைத்து பள்ளி வாகனங்களையும் இம்மாத இறுதிக்குள் ஆய்வுக்கு உட்படுத்த வேண்டும் எனவும் அறிவுறுத்தப்பட்டது.இந்த ஆய்வின் போது சேலம் துணைப் போக்குவரத்து ஆணையர் திரு.K.M. பிரபாகரன், தருமபுரி வருவாய் கோட்டாட்சியர் திருமதி.D.R.கீதாராணி. வட்டாரப் போக்குவரத்து அலுவலர் திரு.த.தாமோதரன், முதன்மை கல்வி அலுவலர் திரு.K.குணசேகரன், மாவட்ட கல்வி அலுவலர் திரு.M.ராஜகோபால், மோட்டார் வாகன ஆய்வாளர்கள் திரு.அ.க.தரணீதர், திரு.G.வெங்கிடுசாமி, காவல் ஆய்வாளர் திரு.A.நவாஸ் ஆகியோர் கலந்து கொண்டனர்.
மை தருமபுரி அமைப்பு மற்றும் FUVISION FELT இணைந்து பனிரெண்டாம் வகுப்பு முடித்து கல்லூரி செல்லவிருக்கும் மாணவர்களுக்கான “என் எதிர்காலம்” இலவச பயிற்சி பட்டறை நிகழ்ச்சி
மை தருமபுரி அமைப்பு மற்றும் FUVISION FELT இணைந்து பனிரெண்டாம் வகுப்பு முடித்து கல்லூரி செல்லவிருக்கும் மாணவர்களுக்கான என் எதிர்காலம் இலவச பயிற்சி பட்டறை நிகழ்ச்சி டான் சிக்சாலயா பள்ளி வளாகத்தில் நடைபெற்றது. முதல் முதலில் கல்லூரி செல்லும் மாணவர்களின் மனநிலை, தன்னம்பிக்கை, மனிதநேயம், நேர்மறை வாழ்க்கை பற்றிய கருத்துக்களை எடுத்துரைக்கப்பட்டது. முப்பது மாணவர்கள் கலந்து கொண்டு தங்கள் வாழ்க்கைக்கான நெறிமுறைகளை நன்கு கற்றறிந்தனர். மாணவர்களுக்கு சான்றிதழ்களும், பதக்கங்களும் வழங்கப்பட்டது. இந்த நிகழ்ச்சிக்கு சிறப்பு விருந்தினர்களாக மருத்துவர்.செந்தில், முனைவர்.கோவிந்த் மருதம் நெல்லி கல்வி குழுமம்,திரு.CKM மாதேஷ்,திரு.C.K.கணேஷ்,PSB திரு.B.சுரேஷ் குமார்,திரு.பசுமை சங்கர்,திரு.நற்சுவை சுகுமார் ஆகியோர் கலந்து கொண்டனர். மாணவர்களுக்கான பயிற்சியை சேலம் மருத்துவர் திருவருட்செல்வன், உதயகுமார் சின்னசாமி, பசல் ரஹ்மான், மை தருமபுரி சதீஸ் குமார் ராஜா, ஆனந்த் மாரியப்பன், ஸ்ரீதரன், சபா தன்சீம் ஆகியோர் வழங்கினர். இந்த நிகழ்ச்சி நடைபெற உறுதுணையாக இருந்த டான் கல்வி குழுமத்தின் செயலாளர் சவீதா உதயகுமார் அவர்களுக்கு மை தருமபுரி குடும்பத்தினர் சமூக சேவகர் தமிழ்செல்வன், அருணாசலம், சந்திரசேகர், ஜனனி சத்தியநாதன், விஜயகாந்த் ஆகியோர் நன்றி தெரிவித்தனர்.
கைகள் இல்லாமல் தன்னம்பிக்கையோட பத்தாம் வகுப்பு பொதுதேர்வில் 438 மதிப்பெண் எடுத்த கிருஷ்ணகிரி மாவட்ட மாணவர் கீர்த்திவர்மா-வை வாழ்த்தி பாராட்டி நிதி உதவி செய்த அஇஅதிமுக துணை பொதுச்செயலாளர் கே.பி.முனுசாமி மற்றும் மாவட்ட செயலாளர் கே.அசோக்குமார் எம்எல்ஏ
கிருஷ்ணகிரி மாவட்டம் ஜூனூர் கிராமத்தில் அனைத்திந்திய அண்ணா திராவிட முன்னேற்றக் கழகத்தினுடைய ஆரம்ப காலத்து கிளைக் கழகச் செயலாளர் வெங்கடாசலம் அவர்களுடைய பேரன் கீர்த்தி வர்மா அவர்களுக்கு இரண்டு கைகளும் இல்லை. அவர்களுடைய தாயின் அரவணைப்பில் பத்தாம் வகுப்பு பொது தேர்வில் 437 மதிப்பெண்கள் பெற்று உள்ளார். அவர்களுடைய செயலை போற்றி அனைத்திந்திய அண்ணா திராவிட முன்னேற்றக் கழகத்தினுடைய துணை பொதுச் செயலாளர் கே.பி. முனுசாமி அவர்களும் மாவட்டக் கழகச் செயலாளர் கிருஷ்ணகிரி சட்டமன்ற உறுப்பினர் கே. அசோக்குமார் அவர்களும் மாணவருக்கு வாழ்த்து தெரிவித்தனர். மாணவனுக்கு நிதி உதவி அளித்து மேற்கொண்டு படிக்கும் படிப்பிற்கு உதவுவதாக கூறினார். இந்நிகழ்ச்சியில் ஒன்றிய கழகச் செயலாளர்கள் பகுதி கழகப் பொறுப்பாளர்கள் கலந்து கொண்டனர்.
வைகாசி அமாவாசை முன்னிட்டு தர்மபுரி மாவட்டத்தில் உள்ள கோவில்களில் சிறப்பு ஆராதனைகள் மற்றும் அபிஷேகங்கள் நடைபெற்றது
*கோவிலில் சிறப்பு ஆராதனை*வைகாசி அமாவாசை முன்னிட்டு தர்மபுரி மாவட்டத்தில் உள்ள அம்மன் கோவிலில் சிறப்பு ஆராதனைகள் மற்றும் அபிஷேகங்கள் நடைபெற்றது பின்னர் சிறப்பா அலங்காரத்தில் பக்தர்களுக்கு தர்மபுரி இலக்கம்பட்டி ஸ்ரீ சாலை மாரியம்மன் திருக்கோவிலில் அமாவாசையை முன்னிட்டு சிரிப்பா அலங்காரத்தில் சாலை மாரியம்மன் பக்தர்கள் காட்சியளித்தனர்.