கிருஷ்ணகிரி

கிருஷ்ணகிரி மாவட்டம், அரசு ஆடவர் கலைக்கல்லுாரி வளாகத்தில், கிருஷ்ணகிரி வட்டார போக்குவரத்து துறை சார்பாக பள்ளி வாகனங்களில் பாதுகாப்பு ஏற்பாடுகள் மற்றும் பராமரிப்பு பணிகளை மாவட்ட ஆட்சித் தலைவர் திருமதி.கே.எம்.சரயு இ.ஆ.ப. அவர்கள் இன்று (27.05.2023) நேரில் பார்வையிட்டு ஆய்வு மேற்கொண்டார். உடன் கிருஷ்ணகிரி வருவாய் கோட்டாட்சியர் திரு.எஸ்.பாபு, துணை காவல் கண்காணிப்பாளர் (கிருஷ்ணகிரி) திருமதி.நா.தமிழரசி, கிருஷ்ணகிரி வட்டார போக்குவரத்து அலுவலர் திரு.எம்.பி.காளியப்பன் உள்ளிட்ட பலர் உள்ளனர்.

கிருஷ்ணகிரி கே.ஆர்.பி. நீர்வளத்துறை விருந்தினர் மாளிகை வளாகத்தில் கிருஷ்ணகிரி மாவட்ட நிர்வாகம், பள்ளிக்கல்வித்துறையுடன் இணைந்து நடத்திய “கோடை மகிழ்ச்சி கொண்டாட்டம்” சிறப்பு முகாம் நிறைவு விழாவை மாவட்ட ஆட்சித்தலைவர் திருமதி.கே.எம்.சரயு இ.ஆ.ப., அவர்கள் (26.05.2023) அன்று துவக்கி வைத்து மாணவ மாணவியர்களுடன் கலந்துரையாடினார். உடன் ஒசூர் மாநகராட்சி ஆணையாளர் திரு.தி.சினேகா இ.ஆ.ப., ஒசூர் சார் ஆட்சியர் திருமதி.ஆர்.சரண்யா இ.ஆ.ப, மாவட்ட கல்வி அலுவலர் திருமதி.மணிமேகலை, மாவட்ட அருங்காட்சியக காப்பாச்சியர் திரு.கோவிந்தராஜ், மாணவ மாணவியர்கள் மற்றும் ஆசிரிய பெருமக்கள் உள்ளனர்.

கிருஷ்ணகிரி மாவட்டம் தேன்கனிக்கோட்டை வட்டம் கெலமங்கலம் பேருந்து நிலையத்தில் மத்திய அரசை கண்டித்து எஸ்.டி.பி.ஐ கட்சி சார்பில் கெலமங்கலம் பேருந்து நிலையத்தில் மத்திய அரசு கொண்டுவந்துள்ள புதிய கல்விக் கொள்கை எதிர்த்து எஸ்.டி.பி.ஐ கட்சியின் சார்பில் கண்டன ஆர்ப்பாட்டம் மற்றும் திருமுறை பிரச்சாரம் செய்தனர்.இந்த கண்டன ஆர்ப்பாட்டத்திற்கு தலைமை பொறுப்பேற்றவர்கிருஷ்ணகிரி கிழக்கு மாவட்ட தலைவர் அஸ்கர் அலி,சிறப்புரையாற்றினார்,கிருஷ்ணகிரி மேற்கு மாவட்ட துணை தலைவர் சபியுல்லா கண்டன கோஷங்களை எழுப்பினர், உடனிஇருந்தவர்கள்கெலமங்கலம் நகரத் தலைவர் சபீர், துணை தலைவர் மௌலா, மற்றும் செயற்குழு உறுப்பினர் ஏ.ஆர் இம்ரான், ஹமித், மற்றும் கட்சி நிர்வாகிகள் இந்த கண்டன ஆர்ப்பாட்டத்தில் கலந்து கொண்டனர்.

கிருஷ்ணகிரி மேற்கு மாவட்ட செயற்குழு கூட்டம்மாவட்ட செயலாளர் ஒசூர் சட்டமன்ற உறுப்பினர் ஒய்.பிரகாஷ்MLA அறிவிப்பு!கிருஷ்ணகிரி மேற்கு மாவட்ட செயற்குழு கூட்டம் மாவட்ட அவைத்தலைவர் அ.யுவராஜ் தலைமையில் இன்று 28.05.2023 ஞாயிற்றுக்கிழமை மாலை 5.00 மணியளவில் ஒசூர் மாவட்ட கழக அலுவலகத்தில் நடைபெற உள்ளது.இதில் முன்னாள் சட்டமன்ற உறுப்பினர்கள், மாவட்ட நிர்வாகிகள், தலைமை செயற்குழு உறுப்பினர்கள், பொதுக்குழு உறுப்பினர்கள், மாநில நிர்வாகிகள், மாநகர, ஒன்றிய, பேரூர், பகுதி செயலாளர்கள் மட்டும் தவறாமல் கலந்து கொள்ளுமாறு அன்புடன் கேட்டுக்கொள்கிறேன்.பொருள்: 1. முத்தமிழ் அறிஞர் தலைவர் கலைஞர் அவர்களின் நூற்றாண்டு விழா குறித்து,2. கழக உறுப்பினர் சேர்க்கை3.கழக ஆக்கப்பணிகள்என்று மாவட்ட செயலாளர் ஒய்.பிரகாஷ்MLAதனது அறிக்கையில் தெரிவித்துள்ளார்

கிருஷ்ணகிரி கிழக்கு மாவட்ட திமுகவினருக்குஒரு முக்கிய அறிவிப்பு மாவட்ட செயலாளர் மதியழகன் எம்எல்ஏ அறிக்கை.கிருஷ்ணகிரி கிழக்கு மாவட்ட திமுக பொது உறுப்பினர்கள் கூட்டம் 29-05-2023 திங்கள்கிழமை அன்று நடைபெறுவதாக அறிவிக்கப்பட்டிருந்தது.தவிர்க்க முடியாத காரணத்தினால் இந்த கூட்டம் ஒத்தி வைக்கப்படுகிறது. மறு தேதி பின்னர் அறிவிக்கப்படும்.

கிருஷ்ணகிரி மாவட்டம் சூளகிரி ஒன்றியம் பாத்துகேட்டா கிராமத்தில் தென்பெண்ணை ஆற்றில் வரும் நீரில் விஷக் கழிவுகள் கலந்து நுரையோடு வருகிறது. அதிகாரிகள் நடவடிக்கை எடுக்க மக்கள் வேண்டுகோள். மழைக்காலங்களில் இது போன்ற நிலைகள் அடிக்கடி ஏற்படுவதால் மாடு வளர்ப்பு மற்றும் விவசாயிகள் அச்சத்தில் உள்ளனர் இந்த கழிவுகள் விடுபவர்கள் மீது கடுமையான நடவடிக்கை எடுக்க வேண்டும் என்று பொதுமக்கள் கோரிக்கை விடுத்துள்ளனர்.

உலகம் முழுவதும் மே 28-ஆம் தேதி இன்று உலக பட்டினி தினம் அனுசரிக்கப்படுகிறது. பட்டினியால் வாடும் மக்களை பற்றிய விழிப்புணர்வு ஏற்படுத்தும் நோக்கத்துடன் இந்த தினம் ஆண்டு தோறும் அனுசரிக்கப்படுகிறது.ஆகையால் தளபதி அவர்களின் சொல்லுக்கினங்க, உலக பட்டினி தினத்தினை முன்னிட்டு கிருஷ்ணகிரி மாவட்ட தலைமை தளபதி விஜய் மக்கள் இயக்கம் சார்பாக தளபதி விஜய் ஒரு நாள் மதிய உணவு சேவையகம் திட்டம் 28.05.2023 (ஞாயிற்றுக்கிழமை) இன்று பகல் 11 மணியளவில் நடைப்பெறும்.அதே சமயம் கிருஷ்ணகிரி மாவட்டத்தில் உள்ள அனைத்து மாநகரம், நகரம், ஒன்றியம், சார்பு அணி மற்றும் பகுதிகளில் சார்பில் தாங்கள் உள்ள இடங்களில் ஏழை எளிய மக்கள் பயன்பெறும் வகையில் ஒருவேளை மதியம் உணவு வழங்க வேண்டும் என்று தங்களை அன்புடன் கேட்டுக்கொள்கிறோம்.கிருஷ்ணகிரி மாவட்டத்தில் ஒருவேளை (மதியம்) உணவு வழங்கும் இடங்கள்:-1). ஓசூர்.2). கிருஷ்ணகிரி3). காவேரிப்பட்டணம்4). பர்கூர்5). ஊத்தங்கரை6). தளி7).தேன்கனிக்கோட்டை8). கெலமங்கலம்9).வேப்பனஹள்ளி10). சூளகிரி ஆகிய இடங்களில் நடைபெற உள்ளது என்று கிருஷ்ணகிரி மாவட்ட தலைமை தளபதி மக்கள் இயக்க மாவட்ட செயலாளர் சுரேஷ் தனது அறிக்கையில் தெரிவித்துள்ளார்